ئه‌مڕۆ به‌هۆی زنجیره‌یه‌ك ته‌قینه‌وه له‌شاری به‌غدا، زیاتر له (100) كه‌س بوونه قوربانی.
ماوه‌ی هه‌فته‌یه‌كه به‌های دۆلاری ئه‌مریكی‌و زێر له‌بازاره‌كانی هه‌رێمی كوردستان‌و عێراقدا، نزمبوونه‌وه‌ی به‌رچاوی به‌خۆیه‌وه بینیوه، به‌شێوه‌یه‌ك بۆ هه‌ر مسقاڵێك زێر له‌بازاره‌كانی هه‌رێم، له‌ماوه‌ی هه‌فته‌یه‌كدا، نزیكه‌ی (20) هه‌زار دینار نرخه‌كه‌ی دابه‌زیوه.
له‌كۆبوونه‌وه‌یه‌كی (مه‌سعود بارزانی) سه‌رۆكی هه‌رێمی كوردستان
له‌هاوینه‌هه‌واری (سه‌لاحه‌دین)، له‌گه‌ڵ (عه‌ممار حه‌كیم) سه‌رۆكی
ئه‌نجومه‌نی باڵای ئیسلامی له‌عێراق‌و شاندێكی یاوه‌ری، پرۆسه‌ی سیاسیی
عێراق‌و ده‌رئه‌نجامی هه‌ڵبژاردنی پێشووی ئه‌نجومه‌نی پارێزگاكانی عێراق
تاووتوێ كرا.
هه‌ڵمه‌تی كۆكردنه‌وه‌ی واژۆ بۆ ئازادكردنی (عه‌بدوڵڵا ئۆجه‌لان) سه‌رۆكی
پارتی كرێكارانی كوردستان (په‌كه‌كه)و گیراوانی سیاسیی كورد له‌هه‌رێمی
كورستاندا به‌رده‌وامه، (عه‌دنان موفتی) سه‌رۆكی پێشووتری په‌رله‌مانی
كوردستان به‌شداریی له‌هه‌ڵمه‌ته‌كه‌دا كرد, داوای ئازادكردنی ئۆجه‌لان
ده‌كات.
له‌به‌رامبه‌ر ناڕه‌زایی حكومه‌تی عێراق بۆ كشانه‌وه‌ی گه‌ریلاكانی پارتی
كرێكارانی كوردستان (په‌كه‌كه) له‌خاكی توركیاوه بۆ خاكی هه‌رێمی
كوردستان‌و عێراق، له‌م هه‌فته‌یه‌دا به‌ڕێوه‌به‌رایه‌تی كۆما جڤاكێن
كوردستان (كه‌جه‌كه) وه‌ڵامی عێراق ده‌داته‌وه.
دوای ئه‌وه‌ی دوێنێ دووشه‌ممه داواكاری گشتی عێراق داوای دانانی كه‌سێكی
دیكه‌ی كرد بۆ پۆستی سه‌رۆك كۆمار، له‌شوێنی (جه‌لال تاڵه‌بانی)، ئه‌مڕۆش
(موقته‌دا سه‌در) سه‌رۆكی ڕه‌وتی سه‌در به‌هه‌مان شێوه داوای دانانی
كه‌سێكی دیكه‌ی كرد، له‌شوێنی سه‌رۆك كۆمار.
له‌كۆبوونه‌وه‌ی ئه‌مڕۆی ئه‌نجومه‌نی وه‌زیرانی عێراقدا، به‌لاغێك له‌باره‌ی كشانه‌وه‌ی گه‌ریلاكانی پارتی كرێكارانی كوردستان (په‌كه‌كه) بۆ خاكی عێراق ده‌ركراو داوا له‌وه‌زاره‌تی ده‌ره‌وه كرا، سكاڵا له‌ئه‌نجومه‌نی ئاسایشی نێوده‌وڵه‌تی‌و كۆمكاری عه‌ره‌بی تۆمار بكات.
هه‌رچه‌نده پێشتر ڕاگه‌یه‌ندرا كه ئه‌مڕۆ گروپێك له‌قۆناغی یه‌كه‌می كشانه‌وه‌ی گه‌ریلاكانی پارتی كرێكارانی كوردستان (په‌كه‌كه) ده‌گه‌نه سنووری باشووری كوردستان، به‌ڵام به‌هۆی خراپی ڕه‌وشی كه‌شوهه‌واوه، كشانه‌وه‌كه دواخرا.
سه‌رچاوه‌یه‌ك له‌هێزه‌كانی پاراستی گه‌ل (هه‌په‌گه) باڵی سه‌ربازی پارتی كرێكارانی كوردستان ئاشكرایكرد، له‌چوارچێوه‌ی پرۆسه‌ی كشانه‌وه‌ی گه‌ریلاكانی په‌كه‌كه له‌خاكی توركیا بۆ هه‌رێمی كوردستان، چاوه‌ڕوانده‌كرێت ئه‌مڕۆ یه‌كه‌مین قۆناغی هێزه‌كانیان له‌خاكی توركیاوه بێنه ناو هه‌رێم.
هه‌وڵه‌كان له‌هه‌رێمی كوردستان بۆ خزمه‌تكردنی زیاتر به‌پێشمه‌رگه‌ی دێرین‌و ڕێزلێنانیان وه‌ك سیمبولی كوردستان به‌رده‌وامه، پێشمه‌رگه‌ش داواده‌كات، ڕێزی زیاتریان لێ بنرێت‌و پێشمه‌رگه‌ی دێرین ئیمیتیازاتی زیاتری پێبدرێت.
ئێواره‌ی ئه‌مڕۆ شه‌ممه ده‌رگای خۆكاندیدكردن بۆ (11)هه‌مین خولی هه‌ڵبژاردنی سه‌رۆك كۆماریی ئێران كۆتاییهات‌و به‌گوێره‌ی دوایین ئامار (686) كه‌س خۆیان پاڵاوتووه.سه‌رچاوه‌كانی هه‌واڵی ئێران بڵاویانكرده‌وه، دوای پێنج ڕۆژ له‌كردنه‌وه‌ی ده‌رگای خۆپاڵاوتن، ئه‌مڕۆ پرۆسه‌كه كۆتاییهات‌و چه‌ندین كه‌سایه‌تی دیاریی كۆماری ئیسلامی ئێران، خۆیان بۆ ئه‌و پۆسته پاڵاوتووه.
ئه‌وه‌شخراوه‌ته‌ڕوو، له‌كۆی (686) كه‌س كه خۆیان بۆ هه‌ڵبژاردنی سه‌رۆكایه‌تی كۆماری ئێران پاڵاوتووه، (38) كه‌سایه‌تی دیاریی ئێرانی تێدایه، كه پێشتر له‌پۆستی باڵای ئه‌و وڵاته‌دا خزمه‌تیان كردووه.
ئه‌ندامێكی ئه‌نجومه‌نی نوێنه‌رانی عێراق ئاشكرایكرد، موچه‌ی فه‌رمانبه‌رانی مه‌ده‌نی‌و سه‌ربازی وه‌زاره‌تی ناوخۆی عێراق یه‌كده‌خرێت، به‌وته‌ی به‌رپرسێكی وه‌زاره‌تی ناوخۆی هه‌رێم-یش، زیادكردنه‌كه فه‌رمانبه‌رانی مه‌ده‌نی وه‌زاره‌تی ناوخۆی هه‌رێمی كوردستانیش ده‌گرێته‌وه.
وته‌بێژی وه‌زاره‌تی دارایی‌و ئابوری هه‌رێم ئاماژه به‌وه‌ده‌كات، زیادكردنی (100) هه‌زار دیناری موچه، بۆ خانه‌نشینانی هه‌رێم، له‌بودجه‌ی پێشنیازكراوی عێراق‌و بودجه‌ی هه‌رێمی كوردستاندا نییه، بۆیه وه‌زاره‌ت ناتوانێت ئه‌و بڕه پاره‌یه بۆ خانه‌نشینانی هه‌رێم خه‌رج بكات.
له‌كۆبوونه‌وه‌ی ئه‌مڕۆی په‌رله‌مانی كوردستاندا، به‌زۆرینه‌ی ده‌نگی په‌رله‌مانتاران، سه‌رۆكی ده‌سته‌ی گشتی نه‌زاهه‌ی هه‌رێم هه‌ڵبژێردرا.
ئه‌میندار‌و وته‌بێژی وه‌زاره‌تی پێشمه‌رگه‌ی هه‌رێم ئاماژه به‌وه‌ده‌كات،
دوو خاڵی ڕێككه‌وتنه‌كه‌ی هه‌رێم‌و به‌غدا په‌یوه‌ندییان
به‌وه‌زاره‌ته‌كه‌یانه‌وه هه‌یه، چاوه‌ڕوانن كاتی كۆبوونه‌وه‌یان له‌گه‌ڵ
به‌غدا دیاریی بكرێت.
له‌كۆبوونه‌وه‌ی ئه‌مڕۆی (مه‌سعود بارزانی) سه‌رۆكی هه‌رێم‌و په‌رله‌مانتار‌و وه‌زیره كورده‌كان له‌به‌غدا، بڕیاردرا سه‌رجه‌م په‌رله‌مانتار‌و وه‌زیره كورده‌كان بگه‌ڕێنه‌وه به‌غدا.
به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان ئاشكرایكرد، له‌سه‌ر داوای (نێچیرڤان بارزانی) سه‌رۆكی حكومه‌تی هه‌رێم، (نوری مالكی) سه‌رۆك وه‌زیرانی عێراق دێته هه‌رێم.(فه‌لاح مسته‌فا) بهNNA ڕاگه‌یاند، له‌كاتی سه‌ردانی وه‌فدی باڵای هه‌رێم بۆ به‌غدا، سه‌رۆك وه‌زیرانی هه‌رێم داوه‌تی فه‌رمی مالكی كرد بۆ ئه‌وه‌ی بێته هه‌رێم، لای خۆیشیه‌وه سه‌رۆك وه‌زیرانی عێراق ڕه‌زامه‌ندی بۆ داواكه‌ی نێچیرڤان بارزانی ده‌ربڕیوه.
به‌مه‌به‌ستی لێكتێگه‌یشتنی زیاتری نێوان ڕۆژنامه‌نوسان‌و ده‌زگاكانی سه‌ر به‌وه‌زاره‌تی ناوخۆی هه‌رێم، خولێكی هۆشیاریی میدیایی بۆ ئه‌فسه‌ران له‌سلێمانی كرایه‌وه.(ڕێباز عه‌لی) كارمه‌ندی به‌شی ڕاگه‌یاندنی پۆلیسی پارێزگای سلێمانی بهNNA ڕاگه‌یاند، له‌چوارچێوه‌ی پڕۆژه‌ی لێك نزیككردنه‌وه‌و لێكتێگه‌یشتنی زیاتری نێوان ڕۆژنامه‌نوسان‌و ده‌زگاكانی سه‌ر به‌وه‌زاره‌تی ناوخۆ، سایتی (ئاوێنه نیوزو هاوڵاتی) به‌هاوكاریی ڕێكخراوی (NPA)ی نه‌رویژی، خولێك بۆ (10) ئه‌فسه‌ری بنكه‌كانی پۆلیسی سه‌ربه به‌ڕێوه‌به‌رایه‌تی پۆلیسی پارێزگای سلێمانی كرایه‌وه.
وه‌زاره‌تی به‌رگری عێراق ئاشكرایكرد، (جه‌ساس عه‌لاوی) سه‌ركرده‌ی گروپه تیرۆرستییه‌كانی فه‌لوجه‌یان ده‌ستگیركردووه.
كه‌مێك له‌مه‌وبه‌ر (نێچیرڤان بارزانی) سه‌رۆكی ئه‌نجومه‌نی وه‌زیرانی هه‌رێم، ده‌قی ڕێكه‌وتنی وه‌فدی باڵای هه‌رێمی كوردستانی له‌گه‌ڵ (نوری مالكی) سه‌رۆك وه‌زیرانی عێراق، واژۆكرد.
