له چوارچێوه‌ی کاروباره‌کانی راگه‌یاندنی له خۆرئاوای کوردستان، له‌شاری دێرک رادیۆیه‌ک به‌ناوی "رۆژئاوا FM" له‌سه‌ر شه‌پۆلی (89.4) ده‌ستی به په‌خشی ئه‌زموونی کرد .
هاوسه‌رۆکی BDP گوڵته‌ن کشاناک له کۆبونه‌وه‌ی فراکسیۆنی پارته‌که‌ی دا ده‌رباره‌ی بابه‌ته‌کانی رۆژه‌ڤ هه‌ڵسه‌نگاندنی کرد و له‌سه‌ر پرۆسه‌ی نوێ ، داوای کرد که په‌رله‌مانی تورکیا بڕیاری ئاشتی بدات و، داواشی کرد هه‌موو چین و توێژ و به‌شه‌کانی کۆمه‌لًگه‌ش به‌رپرسیارێتی خۆیان به‌جێ بێنن .
له گوندی گردی قازی سه‌ر به‌قه‌زای هه‌ڵه‌بجه جوتیارێک له‌کاتی کارکردنیدا له زه‌وییه‌که‌ی خۆیدا بۆمبێکی دۆزییه‌وه و بانگه‌شه کرا که بۆمبه‌که بۆ سه‌رده‌می کاره‌ساتی کیمیابارانی هه‌ڵه‌بجه ده‌گه‌ڕێته‌وه .
ڕاوێژكاری وه‌زاره‌تی سامانه
سروشتییه‌كانی حكومه‌تی هه‌رێمی كوردستان جه‌ختی له‌وه‌كرده‌وه،
فرۆشتنی سوته‌مه‌نی له‌لایه‌ن هه‌رێمی كوردستانه‌وه به‌پارێزگای
نه‌ینه‌وا بازرگانییه‌كی ناوخۆیی، نه‌ك گرێبه‌ستی تایبه‌تی نه‌وت،
بۆیه ئه‌وه كارێكی یاساییه.
بڕیاره ئه‌مڕۆ لایه‌نی كوردی یاداشتێك ئاراسته‌ی هاوپه‌یمانیی
نیشتمانی‌‌و حكومه‌ته‌كه‌ی (نوری مالكی) بكات، سه‌ركرده‌یه‌كی
ئیئتیلافی ده‌وڵه‌تی یاساش جه‌خت له‌وه ده‌كاته‌وه، ئه‌مجاره
مامه‌ڵه‌ی حكومه‌تی به‌غدا جیاواز ده‌بێت‌و وتیشی:"به‌غدا چیتر
ئاماده‌نییه ڕێگه به‌ئیبتیزازی كورد بدات".
ئه‌ندامێكی لیژنه‌ی مافی
مرۆڤ له‌په‌رله‌مانی كوردستان ئاشكرایكرد، پێویسته به‌له‌به‌رچاوگرتنی
شه‌ریعه‌تی ئیسلام‌و یاسا‌و پرسه كۆمه‌ڵایه‌تییه‌كان، یاساییه‌ك
سه‌باره‌ت به‌سزای له‌سێدره‌دان له‌هه‌رێمی كوردستاندا ده‌ربكرێت.
به‌ڕێوه‌به‌ری په‌یوه‌ندییه‌كانی كۆمپانیای ئاڵای نه‌ورۆز تلیكۆم
ئاشكرایكرد، به‌هۆی بچرانی هێڵی فایبه‌ر ئۆپتیك له‌نێوان (دهۆك- هه‌ولێر)،
هێڵی ئینته‌رنێتی ڕێبه‌ر كویك له‌سنوری پارێزگای سلێمانی له‌كاركه‌وتووه.
كەمێك بەر لە ئێستا لەشاری كەركوك، لە ناوچەی پیشەسازی و گەڕەكی حسابات دوو بۆمب تەقیەوە و ژمارەیەك قوربانی بەدوای خۆیدا هێنا.
رۆژنامه‌ی "ئاوێنه" له ژماره‌ی ئه‌مڕۆیدا بڵاویكرده‌وه شۆفێری
ته‌كسیه‌ك له‌شاری سلێمانی زیاتر له پێنج منداڵ لاقه‌ده‌كات و به‌شێكیان
ئه‌و خوێندكارانه بوون كه له‌لایه‌ن كه‌سوكاریانه‌وه ئه‌ركی
گواستنه‌وه‌یان بۆ قوتابخانه به‌و شۆفێره سپاردووه.به‌پێی
هه‌واڵی رۆژنامه‌كه، ئه‌و شۆفێره مانگی رابردوو میمۆریه‌كی بردووه بۆ
وێنه‌گرێك تا چه‌ند وێنه‌یه‌كی بۆ بشواته‌وه، به‌ڵام وێنه‌گره‌كه
كۆمه‌ڵێك وێنه‌و گرته‌ی ڤیدیۆیی له‌ناو میمۆریه‌كه‌دا بینیوه كه
جه‌سته‌ی منداڵ بوون به رووتی، هه‌روه‌ها شۆفێره‌كه له‌گه‌ڵ چه‌ند
منداڵ و مێردمنداڵێكدا وێنه‌ی گرتووه، ئه‌ویش ئاسایشی لێ
ئاگاداركردووه‌ته‌وه‌و شۆفیره‌كه ده‌ستگیركراوه.
پاش کۆتایی هاتنی جەنگی یەکەمی کەنداو لەلایەن ئەمەریکاو بەریتانیاو هاوپەیمانه‌کانی لەساڵی 1991و راپەرینی کوردەکان لەباکور‌و شیعەکان لەباشور، دوای ئەوەی رژیم هەوڵی گرتنەوەی ناوچەکانیداو له‌به‌رامبه‌ریشدا به‌هۆی مه‌ترسیه‌كانیان له هێزه‌كانی سه‌ر به‌رژێم کوردەکان کۆچیان بەرەو سنورەکان کرد.
کچک ئیبۆ موژدەیەکی خۆش دەدات بە گوێگرانی ئیبراهیم تاتلیساس و دەشڵێ 3 مانگی تر ئیبراهیم تاتلیساس ئەلبوومێکی گۆرانی بڵاو دەکاتەوە
لە لێدوانێکی تایبەتی بە (nrt2) هونەرمەند کچک ئیبۆ دەڵێ: زۆر کەس باس لەوە دەکەن کە هونەرمەند (ئیبراهیم تاتلیساس) تەنها ریکلام بۆ خۆی دەکات و هیچ ئەلبوومێکی گۆرانی بڵاو ناکاتەوە بەڵام من دڵنیاتان دەکەمەوە کە ئەلبوومی هونەرمەند (ئیبراهیم تاتلیساس) لە سێ مانگی داهاتوو بڵاو دەبێـتەوە و چونکە بەشێکی زۆری لە کارەکانی کۆتایی پێهاتووە
ئەم هەواڵەش دوای ئەوە دێت هونەرمەند ئیبراهیم تاتلیساس ڕای گەیاندبوو کە ئەلبوومێکی گۆرانی بە ناوی موعجیزە بڵاو دەکاتەوە
وته‌بێژی یه‌كێتی نیشتیمانی كوردستان به فه‌رمی به‌شداریكردنی
یه‌كێـتی له هه‌ڵبژاردنی داهاتوو به لیستی سه‌ربه‌خۆ ڕاگه‌یاند و
ئاشكرایكرد ئه‌م بڕیاره به‌مانای په‌یڕه‌ونه‌كردنی ڕێكه‌وتنمای
ستراتیژی نێوان خۆیان و پارتی نیه.
ئەندامێكی
پێشوی مەكتەبی سیاسی پارتی رایدەگەیەنێت بزوتنەوە گۆڕان تا 10 ساڵی كە
شاری سلێمانی ناباتەوە و پێشی وایە گۆڕان هەڵدەوەشێتەوە.
به‌ڕێوه‌به‌ری گشتیی كۆچ و كۆچبه‌رانی هه‌رێم ئاشكرایكرد، له‌سه‌ره‌تای ئه‌مساڵه‌وه تائه‌مڕۆ ژماره‌یه‌كی زۆر له‌په‌نابه‌ری سوری به‌هۆی ناهه‌مواریی بارودۆخی سوریاوه هاتونه‌ته هه‌رێمی كوردستان، به‌به‌راورد له‌گه‌ڵ ساڵانی ڕابردوودا ژماره‌كه به‌رزبۆته‌وه‌‌و له‌ئێستاشدا هاتنی په‌نابه‌رانی سوریا بۆ هه‌رێم به‌رده‌وامی هه‌یه.
بۆ بەرێزان.....سەرۆكایەتی هەرێمی كوردستان
سەرۆكایەتی حكومەتی هەریم كوردستان وسەرۆكایەتی پەرلەمانی كوردستان
رای گشتی و دەزكاكانی راكەیاندن
"با حكومەتی هەرێم هێنده‌ی حكومەتی ناوه‌ندی بەغداد جوامێری تێدابێت"...
لەم یەك دوو ساڵەی ڕابردوودا، فەرمانبەرێكی زۆر بەمەبەستی درێژەدان بەخویندنی باڵا ڕوویان لەدەرەوەی هەرێمی كوردستان كردووە. بەشێكیان لەڕێگەی بەرنامەی تواناسازی كە وەزارەتی خوێندنی باڵا سەرپەرشتی دەكات‌و بەشێكیتریان لەسەر ئەركی خۆیان (واتە ئەو كەسانەی لەگیرفانی خۆیان تێچوونی خوێندن‌و مانەوەیان دابین دەكەن).
ئه‌مشه‌‌و له‌به‌رنامه‌ی (ڕووبه‌ڕوو)ی كه‌ناڵی ئاسمانی (KNN)ی سه‌ر به‌بزوتنه‌وه‌ی گۆڕاندا، (نه‌وشیروان مسته‌فا) ڕێكخه‌ری گشتی بزوتنه‌وه‌ی گۆڕان ڕایگه‌یاند، شه‌ڕی كورد له‌ڕاگه‌یاندندا ناكرێت، به‌ڵكو شه‌ڕی كورد له‌به‌غدا ده‌كرێت‌و پێویسته كورد شه‌ڕ له‌ئه‌نجومه‌نی نوێنه‌ران‌و ئه‌نجومه‌نی وه‌زیرانی عێراقدا بكات.
به‌بۆنه‌ی جه‌ژنی سه‌ری ساڵی (ئێزیدی)یه‌كانه‌وه، ڕۆژی چوارشه‌ممه (17-4-2013) به‌رامبه‌ر به (28) نه‌ورۆزی ساڵی (2713)ی كوردی، له‌هه‌رێمی كوردستاندا پشووی فه‌رمیی ده‌بێت.(مه‌ریوان نه‌قشبه‌ندی) به‌ڕێوه‌به‌ری ڕاگه‌یاندنی وه‌زاره‌تی ئه‌وقاف‌و كاروباری ئایینی حكومه‌تی هه‌رێمی كوردستان بۆNNA ڕوونكرده‌وه، به‌گوێره‌ی بڕیارێكی په‌رله‌مانی كوردستان كه له‌ساڵی (2010) ده‌رچووه، جه‌ژنی سه‌ری ساڵی ئێزیدییه‌كان ده‌كه‌وێته ڕۆژی چوارشه‌ممه (17) نیسان، به‌و بۆنه‌یه‌شه‌وه له‌سه‌رجه‌م داموده‌زگاكانی حكومه‌تی هه‌رێمی كوردستان، پشووی فه‌رمییه.
كه‌مێك له‌مه‌وبه‌ر كۆبوونه‌وه‌ی (مه‌سعود بارزانی) سه‌رۆكی هه‌رێمی
كوردستان له‌گه‌ڵ لیژنه‌ی پێكهاتوو له‌باره‌ی كێشه‌كانی هه‌رێم‌و
به‌به‌شداریی په‌رله‌مانتار‌و وه‌زیره كورده‌كان له‌به‌غدا كۆتاییهات،
بڕیاردرا كورد تا دوای هه‌ڵبژاردنی ئه‌نجومه‌نی پارێزگاكانی عێراق
نه‌گه‌ڕێته‌وه به‌غدا.
