عەبدولوەهاب عەلی وتەبێژی ئەنجومەنی سەركردایەتی پارتی لەسلێمانی بە(نها24 و رادیۆی خەڵك)ی راگەیاند "مەسعود بارزانی كەسێكی كاریزمایە و بۆ ئێستای كوردستان پێویستە، بەڵام ئۆپۆزسیۆن ئازادە چی دەڵێت، بەڵام دەبێت ئەوە بزانن لیستی زۆرینە دەتوانێت كاندیدی بكاتەوە".
كۆبونه‌وه‌ی لیژنه‌ی هه‌ماهه‌نگی لایه‌نه‌كانی ئۆپۆزسیۆن كۆتایی هات و له كۆنگره‌یه‌كی رۆژنامه‌وانیشدا جه‌ختیان له‌وه كرده‌وه، كه مه‌سعود بارزانی به‌هیچ شێوه‌یه‌ك ناتوانێ خۆی بۆ سه‌رۆكایه‌تی هه‌رێم كاندید بكاته‌وه، جه‌ختیشیان كرده‌وه، كه ده‌بێت هه‌ڵبژارده‌كان له واده‌ی خۆیدا ئه‌نجام بدرێت.
له‌شاری له‌نده‌ن یادی (25)
ساڵه‌ی ئه‌نفال ده‌كرێته‌وه‌و ئه‌ندامێكی ده‌سته‌ی ڕێكخراوی
كوردۆسایدیش داوا له‌به‌شداربووان ده‌كات، به‌جل‌و به‌رگی ڕه‌شه‌وه
به‌شداری یاده‌كه بكه‌ن.
وه‌ك وه‌فایه‌ك بۆ ڕوحی پاكی ئه‌نفالكراوانی هه‌رێم، له‌سه‌ر داوای ڕۆشنبیران‌و ڕۆژنامه‌نووسانی گه‌رمیان، داوا له‌هاوڵاتیان ده‌كرێت ئه‌مساڵ له‌یادی (25) ساڵه‌ی ئه‌نفالی كورداندا، هیچ ئاژه‌ڵێك سه‌رنه‌بڕن‌و گۆشت له‌گه‌رمیاندا نه‌خۆن.
له‌به‌رامبه‌ر داوای ئه‌ندامێكی لیژنه‌ی كاروباری پێشمه‌رگه‌‌و شه‌هیدان‌و قوربانیانی جینۆساید له‌په‌رله‌مانی كوردستان كه داوایكردووه وه‌زیری پێشمه‌رگه بانگهێشتی په‌رله‌مان بكرێت بۆ لێپرسینه‌وه، وه‌زیری پێشمه‌رگه ئاماژه به‌وه‌ده‌كات، ئاماده‌یه بچێته په‌رله‌مان.
له‌كۆبوونه‌وه‌ی ئه‌مڕۆی سێ لایه‌نه‌كه‌ی ئۆپۆزسیۆن (بزوتنه‌وه‌ی گۆڕان، كۆمه‌ڵی ئیسلامی‌و یه‌كگرتووی ئیسلامی كوردستان)، پێشنیاری دواخستنی هه‌ڵبژاردنی سه‌رۆكی هه‌رێمیان ڕه‌تكرده‌وه.
دوای ئه‌وه‌ی له‌یه‌كشه‌ممه‌ی ڕابردوودا (بایز تاڵه‌بانی) وه‌زیری دارایی‌‌و ئابوری حكومه‌تی هه‌رێمی كوردستان، له‌كاتی سه‌ردانیكردنیدا له‌قه‌زای شه‌قڵاوه باری ته‌ندروستی تێكچوو، دواتر گه‌یه‌ندرایه نه‌خۆشخانه، كچه‌كه‌ی ئاماژه به‌وه‌ده‌كات، ته‌ندروستی باوكی زۆر باشه‌‌و له‌نه‌خۆشخانه ده‌رچووه.
ئه‌ندامێكی په‌رله‌مانی كوردستان ئاشكرایكرد، یاسایه‌كی تایبه‌ت به‌كاری له‌شفرۆشی‌و بازرگانی له‌په‌رله‌مانی كوردستان ئاماده‌ده‌كه‌ن‌و داویشیانكردووه كه یاساكانی حكومه‌تی عێراق تایبه‌ت به‌له‌شفرۆشی هه‌مواربكرێته‌وه.(سه‌میره عه‌بدوڵڵا) ئه‌ندامی په‌رله‌مانی كوردستان به NNA ڕاگه‌یاند، ئه‌و بڕگه یاسایانه‌ی په‌یوه‌ندیان به‌كاری له‌شفرۆشیه‌وه هه‌یه، بڕگه‌كانی (20-21)ن، به‌ڵام ئه‌وانه‌یش زیاتر له‌به‌رژه‌وه‌ندی پیاواندان نه‌ك ئافره‌ت، بۆیه پێویسته هه‌مواربكرێنه‌وه، وتیشی:له‌به‌رنامه‌ماندایه كه یاسایه‌كی تایبه‌ت به‌و ئافره‌تانه‌ی ده‌هێنرێنه هه‌رێمی كوردستان به‌مه‌به‌ستی بازرگانی‌و له‌شفرشی”.
نیوەرۆی ئەمرۆ شەپۆلێكی خۆڵبارین روی كردۆتە سلێمانی و فەرمانگەی كەشناسی رایدەگەیەنێت ئەگەری هەیە تاسبەینێ ئەو شەپۆلە كاریگەری بمەێنێت.فازڵ حسێن، جێگری بەرێوەبەری فەرمانگەی كەشناسی سلێمانی بۆ كوردیو ئەوەی خستەروو شەپۆلێكی خۆڵبارین سلێمانی گرتۆتەوە و ئەگەری هەیە تاسبەینێ كاریگەری هەبێت.
لە ڕونكردنەوەیكدا كە پێگەی فەرمی یەكێتی نیشتیمانی كوردستان( پیوكەی میدیا) بڵاوی كردۆتەوە تیایدا مەكتەبی ڕاگەیاندنی ئەو حزبە لێدوانەكانی محمد ئیحسان وەزیری ناوچەكانی دەرەوە ڕەت دەكاتەوە كە پێی وایە جەلال تاڵەبانی خۆی لە مەسەلەی ماددەی 140 لا داوە و بێ خەم بووە.
دوای ئەوەی "درامای گەردەلول" بەچەند هۆكارێكی تەكنیكی وەستا، بڕیارە ئەمشەو لەكەناڵی ئاسمانی كوردسات دەست بەپەخش بكاتەوە. كەناڵی ئاسمانی كوردسات لەرونكردنەوەیەكدا ئاماژەبەوەدەكات، بینەرانی كەناڵەكەمان ئاگادار دەكەینەوە كە درامای (گەردەلول) پاش پێداچونەوە لە لایەن ستافی كەناڵی ئاسمانی كوردساتەوە ئەمشەو لە كاتی ئاسایی خۆیدا پەخش دەكرێتەوە.
شایاریزانی
4 ساڵی رابردووی جیهان لیۆنێل مێسی، له‌لایه‌ن ژاپۆنییه‌كانه‌وه
رووبه‌ڕووی گره‌وێكی گه‌وره ده‌بێته‌وه و وه‌ك یه‌كه‌م یاریزان له
مێژوودا دوو گۆڵ له رۆبۆتێكی گۆڵپارێز ده‌كات.رۆژنامه‌ی سپۆرتی كاته‌لۆنی، ئه‌وه‌ی خسته‌ڕوو كه ژاپۆن داوه‌تی ئه‌ستێره‌ی تۆپی پێی ئه‌رژه‌نتینی "مێسی"ی كردووه، بۆ ئه‌وه‌ی رووبه‌رووی ئه‌و رۆبۆته ببێته‌وه كه خۆیان به‌جۆرێك دیزاینیان كردووه كه تۆپه خێرا و به‌هێزه‌كان بگێڕێته‌وه، ئه‌وه‌یش هه‌لێك بوو بۆ كۆمپانیای دروستكه‌ر، تا له رێگه‌ی باشترین یاریزانی جیهانه‌وه ئه‌و به‌رهه‌مه تازه‌یه‌یان تێست بكه‌ن و سه‌ركه‌وتنێكی گه‌وره‌ی به ده‌ست هێنا.
وەفدێكی هەرێمی كوردستان كە لەوویلایەتە یەكگرتووەكانی ئەمریكایە،
لەزانكۆی جۆرج واشنتن، لەواشنتنی پایتەختی ئەو ووڵاتە و لەكۆنفراسێكدا
گفتوگۆیان لەبارەی رەوشی رۆژهەڵاتی ناوەڕاست و عیراق و سیاسەتی نەوتی
هەرێم كرد.
دوای بڵاوبوونەوەی هەواڵێك لە ژمارەی ئەمڕۆی رۆژنامەی ئاوێنە كە
رایگەیاندووە، بابەتی درێژكردنەوەی ماوەی سەرۆكایەتی هەرێم لەلایەن هەڤاڵ
دكتۆر بەرهەم ساڵح-ەوە لەكۆبوونەوەی هەردوو مەكتەبی سیاسی یەكێتی‌و پارتیدا
هاتووە، "بێ ئەوەی پێشوەخت لە ناو مەكتەبی سیاسی‌و كۆمیتەی سەركردایەتی
یەكێتیدا ئەو مەسەلەیە باس كرابێت"، وتەبێژی رەسمی مەكتەبی سیاسی یەكێتیی
نیشتمانیی كوردستان، دەڵێت: "سەراپای هەواڵەكە بۆ شێواندنی هەڵویستی
یەكێتی‌و هەڵوێستی هەڤاڵ دكتۆر بەرهەم-ە".
(جیسیكا كوكس) كه به ڕه‌گه‌ز ئه‌مریكییه یه‌كه‌م كه‌سی فڕۆكه‌وانه
له‌جیهاندا كه ئێستا ته‌مه‌نی (30) ساڵه به‌هۆی زگماكی به‌بێ ده‌ست
له‌دایك بووه، كوكس ڕۆژی هه‌ینی سه‌ردانی وولاَتی (ئه‌سوبیای) كرد
به‌ئامانچی ئه‌وه‌ی سه‌ردانی چه‌ند ده‌زگایه‌كی خێرخوازی‌‌و
قوتابخانه‌ی خاوه‌ن پێداویستی تایبه‌ت بكات بۆ گفتوگۆ وئاڵۆگۆڕكردنی
ئه‌زمونی خۆی له‌گه‌ڵ ئه‌و خوێنكارانه‌ی خاوه‌ن پێداویستی تابه‌تن.
شانۆگه‌ری قادرمه خوێناویه‌كان له‌ئاماده‌كردنی خانمی به‌ئه‌زموونی
شانۆكار به‌دیعه دارتاشه كه‌باس له‌گۆرانكاریه‌كانی كۆمه‌ڵگای كوردی
ده‌كات ، ئه‌و به‌رهه‌مه له‌نواندنی شانۆكاری به‌توانا خاتوو به‌دیعه
دارتاش و دووخانمی تره به‌ناوه‌كانی ته‌رزه ئه‌حمه‌د و شاده عه‌لی ،
ئه‌م شانۆكارانه له‌سه‌ر ئه‌ركی خۆیان و به‌هاوكاری كاك زاهیر میوانداری
كراون و بڕیاره له‌چه‌ند شارێكی تری سویدی پێشكه‌ش بكرێت ، مه‌هدی جافی
ئاگادار له‌پێشكه‌شكردنی ئه‌و به‌رهه‌مه‌و نزیك له‌خاتوو به‌دیعه دارتاش و
به‌ماڵپه‌ری ئێن ئارتی دووی راگه‌یاند: له‌سه‌ر خواستی بینه‌رێكی زۆری
شانۆگه‌ری ناوبراو ئه‌مڕۆ له‌ستۆكهۆڵم له‌سه‌نته‌ری كوردی له‌ئه‌كالا
به‌رامبه‌ر فرۆشگای لیدڵ دووباره كرایه‌وه و نمایشكرا به‌ئاماده‌بوونی
میوانانی به‌رهه‌م و داواكارانی دووباره نمایشكردنه‌وه‌ی به‌رهه‌م ،
شایه‌نی باسه ئه‌و به‌رهه‌مه باس له‌و كاره‌سات و رووداوانه ده‌كات
كه‌له‌سه‌رده‌می رژێمی به‌عس به‌سه‌ر كورد هاتووه هه‌ر له‌ئه‌نفال كردن و
كیمیایی تاده‌گاته ئه‌و سه‌رده‌مه‌ی ئێستا كه شوێنه مێژوویی و
دێرینه‌كان خاپوور ده‌كرێن و ده‌بنه قوربانی باڵه‌خانه بازرگانییه
به‌رزه‌كان
کۆما جڤاکێن کوردستان KCK وه‌ڵامی نامه‌كه‌ی عه‌بدولڵا ئۆجالانیان دایه‌وه و وه‌فدی BDPش بۆ وه‌رگرتنه‌وه‌ی سه‌ردانی قه‌ندیل-یان كرده‌وه..
پاش هه‌فته‌یه‌ك له ده‌ستپێكی گه‌شتی ئاسمانی نێوان تاران و قاهیره پاش 34 ساڵ ناره‌زایه‌تی گرووپه‌كانی سه‌له‌فی له میسر بوه‌هۆی راگیرانی گه‌شتی ئاسمانی نێوان ئێران و میسر. "هیشام زه‌عزوع وه‌زیری گه‌شتیاری میسر به‌فه‌رمی رایگه‌یاند: گه‌شتی ئاسمانی نێوان ئێران و میسر بۆ ماوه‌ی دوو مانگ راگیراوه‌و له‌م ماوه‌دا چۆنییه‌تی ده‌ستپێكی گه‌شتی ئاسمانی له‌گه‌ڵ ئێران تاوتووێ ده‌كه‌ین و له‌وباره‌یه‌وه بریار ده‌ده‌ین.
جەعفەر ئیمینكی، وتەبێژی مەكتەبی سیاسی پارتی دیموكراتی كوردستان بە(گوڵان)ی راگەیاند: یەدڵنیاییەوە دەتوانم بڵێم پارتی لە 40 كورسی پەرلەمانی كەمتر ناهێنێن كە دەكاتە 40%ی كورسیەكان.
وتەبێژەكەی مەكتەبی سیاسی گوتیشی: وەزعمان لە سلێمانی بەرەو پێشەوە چووە لەگەڵ ئەوەشدا رێژەیەكی زۆر نییە،بەڵام لە جاران باشترە و دەنگ و كورسیەكانمان لە 2009 باشتر دەبێت، كە 10% بووین، بەڵام ئێستا بەرەو 15% دەچین لەو شارە،هێشتا ئەوەش كەمە لەبەر ئەوەی باری جەماوەری پێشووی پارتی لە 1992 لەو شارەدا 26% بووین.
