به‌گوێره‌ی ئاماری چه‌ند مانگی ڕابردووی ئه‌مساڵ، (7619) كه‌س به‌هۆی
ته‌قینه‌وه‌كان‌و هێرشی چه‌كدارییه‌وه له‌عێراقدا كوژراون‌و برینداربوون.
به‌رپرسی فه‌رمانگه‌ی پێوه‌ندییه‌كانی ده‌ره‌وه‌ی حكوومه‌تی هه‌رێمی
كوردستان ئاشكرایكرد، بڕیاره له‌م مانگه‌دا (نوری مالكی) سه‌رۆك وه‌زیرانی
عێراق سه‌ردانی هه‌رێمی كوردستان بكات.
لەبەرامبەر زیادبوونی تەقینەوەكان‌و كردەوە تیرۆرستییەكان لەعێراق،
بابەكر زێباری سەرۆك ئەركانی سوپای عێراق دەستی لەپۆستەكەی كێشایەوە.
كه‌مێك له‌مه‌وبه‌ر چواره‌م ئۆتۆمبێل له‌شاری به‌غدا ته‌قییه‌وه‌‌و پارێزگاری ئه‌نباریش له‌هه‌وڵێكی تیرۆرستی ڕزگاری بوو.
سه‌رچاوه‌كانی هه‌واڵی عێراق
بڵاویانكرده‌وه، ته‌قینه‌وه‌ی ئۆتۆمبێلی چواره‌م له‌ناوچه‌ی (كه‌ڕاده)ی
شاری به‌غدا بووه‌‌و به‌هۆیه‌وه چوار كه‌س گیانیان له‌ده‌ستداوه‌‌و (12)
كه‌سی دیكه‌ش بریندار بوون.
حاكم (ڕزگار محه‌مه‌د ئه‌مین) دادوه‌ری كه‌یسی دوجه‌یل ڕایگه‌یاند،
ئه‌گه‌ر پرۆسه‌ی دادگاییكردنه‌كه‌ی (سه‌دام حسێن)ی سه‌رۆكی پێشووتری
عێراق نێوده‌وڵه‌تی بوایه، سزای له‌سێداره‌دانی به‌سه‌ردا
نه‌ده‌سه‌پێندرا.
له‌دیدارێكیدا له‌گه‌ڵ كه‌ناڵی عه‌ره‌بیه،
(ڕزگار محه‌مه‌د ئه‌مین) دادوه‌ری كه‌یسی دوجه‌یل باسی له‌وه كردووه،
ئه‌گه‌ر دادگاییكردنه‌كه نێوده‌وڵه‌تی بوایه، سه‌دام حسێن سزای
له‌سێداره‌دانی وه‌رنه‌ده‌گرت‌و ده‌كرا به (30) ساڵ یان زیندانی
هه‌تاهه‌تایی سزا بدرایه.
ئه‌مڕۆ به‌هۆی زنجیره‌یه‌ك ته‌قینه‌وه له‌شاری به‌غدا، زیاتر له (100) كه‌س بوونه قوربانی.
له‌به‌رامبه‌ر ناڕه‌زایی حكومه‌تی عێراق بۆ كشانه‌وه‌ی گه‌ریلاكانی پارتی
كرێكارانی كوردستان (په‌كه‌كه) له‌خاكی توركیاوه بۆ خاكی هه‌رێمی
كوردستان‌و عێراق، له‌م هه‌فته‌یه‌دا به‌ڕێوه‌به‌رایه‌تی كۆما جڤاكێن
كوردستان (كه‌جه‌كه) وه‌ڵامی عێراق ده‌داته‌وه.
دوای ئه‌وه‌ی دوێنێ دووشه‌ممه داواكاری گشتی عێراق داوای دانانی كه‌سێكی
دیكه‌ی كرد بۆ پۆستی سه‌رۆك كۆمار، له‌شوێنی (جه‌لال تاڵه‌بانی)، ئه‌مڕۆش
(موقته‌دا سه‌در) سه‌رۆكی ڕه‌وتی سه‌در به‌هه‌مان شێوه داوای دانانی
كه‌سێكی دیكه‌ی كرد، له‌شوێنی سه‌رۆك كۆمار.
له‌كۆبوونه‌وه‌ی ئه‌مڕۆی ئه‌نجومه‌نی وه‌زیرانی عێراقدا، به‌لاغێك له‌باره‌ی كشانه‌وه‌ی گه‌ریلاكانی پارتی كرێكارانی كوردستان (په‌كه‌كه) بۆ خاكی عێراق ده‌ركراو داوا له‌وه‌زاره‌تی ده‌ره‌وه كرا، سكاڵا له‌ئه‌نجومه‌نی ئاسایشی نێوده‌وڵه‌تی‌و كۆمكاری عه‌ره‌بی تۆمار بكات.
وه‌زاره‌تی به‌رگری عێراق ئاشكرایكرد، (جه‌ساس عه‌لاوی) سه‌ركرده‌ی گروپه تیرۆرستییه‌كانی فه‌لوجه‌یان ده‌ستگیركردووه.
له‌كۆبوونه‌وه‌ی وه‌فدی باڵای سیاسیی هه‌رێمی كوردستان به‌سه‌رۆكایه‌تی (نێچیرڤان بارزانی) سه‌رۆكی حكومه‌تی هه‌رێم له‌گه‌ڵ (نوری مالكی) سه‌رۆك وه‌زیرانی عێراق، هه‌ردوولا ڕێكه‌وتن له‌سه‌ر چاره‌سه‌ركردنی كێشه هه‌ڵپه‌سێردراوه‌كانی نێوان هه‌رێم‌و به‌غدا، به‌گوێره‌ی ده‌ستووری عێراق.به‌گوێره‌ی ڕاگه‌یه‌ندراوێكی نوسینگه‌ی ڕاگه‌یاندنی نوری مالكی سه‌رۆك وه‌زیرانی عێراق، له‌كۆبوونه‌وه‌ی وه‌فدی كورد‌و مالكیدا، گفتوگۆ له‌باره‌ی خاڵه ناكۆكه‌كانی نێوان هه‌رێم‌و به‌غدا كراوه‌‌و به‌ڕاشكاوی باسیان له‌كێشه‌‌و گرفته‌كان كردووه.
دوای ئەوەی لیژنەی لێكۆڵینەوە لەرووداوەكانی شاری حەویجە سەردانی شاری
كەركوكیان كردو گەڕانەوە بۆ شاری بەغدا، سەرۆكی لیژنەكە دەست
لەكاركێشانەوەی خۆی پێشكەش بەئەنجومەنی نۆێنەرانی عێراق كرد.
سەرچاوەیەك
كە نەیویست ناوی ئاشكرا بكرێت بە(نها 24 و رادیۆی خەڵك)ی راگەیاند، دوای
ئەوەی رۆژی هەینی لیژنەی لێكۆڵینەوە لەروواوەكەی قەزای حەویجە بەسەرۆكایەتی
(عەممار توعمە) ئەندامی ئەنجومەنی نوێنەرانی عێراق‌و چەند ئەندامێكی دیكە
گەیشتنە شاری كەركوك بۆ لێكۆڵینەوە لەرووداوەكان، بەڵام دوا بەدوای
گەڕانەوە بۆ شاری بەغدا، دەستلەكاركێشانەوەی خۆی پێشكەشكرد.
قائمقامی قه‌زای دوزخورماتوو ئاشكرایكرد، له‌ئێواره‌ی دوێنێوه هێزێكی زۆر به‌ره‌و (سلێمان به‌گ) هاتوون‌و گه‌مارۆیانداوه، ئه‌گه‌ر تاوه‌كو ئه‌مشه‌و چه‌كداره‌كان ناحیه‌كه چۆڵنه‌كه‌ن، ئه‌وا چاوه‌ڕوانده‌كرێت سوپای عێراق‌و گروپه چه‌كداره‌كان به‌یه‌كدا بده‌ن.(شه‌لال عه‌بدول) بهNNA ڕاگه‌یاند، له‌دوای پاشه‌كشه‌ی هێزه‌كانی سوپای عێراق، گروپه چه‌كداره‌كان كۆنتڕۆڵی ناحیه‌ی (سلێمان به‌گ)یان كرد، بۆیه له‌دوێنێ ئێواره‌وه چه‌ند شێخ-ێكیان ڕاسپاردووه بۆ گفتوگۆ له‌گه‌ڵ گروپه چه‌كداره‌كان، به‌ڵام نه‌توانراوه قاییل بكرێن به‌كشانه‌وه‌یان له‌ناوچه‌كه به‌بێ كێشه، وتیشی:"به‌گوێره‌ی زانیارییه‌كان، گروپه چه‌كداره‌كان خۆیان له‌سلێمان به‌گ به‌هێز ده‌كه‌ن‌و
(22) سه‌رباز له‌لایه‌ن گرووپه چه‌كداره‌كانی سنوری ناحیه‌ی سلێمان به‌گ ده‌ستگیركران، دواتر چه‌ك‌و ته‌قه‌مه‌نییه‌كانیان لێ سه‌ندراو ئازادكران.به‌گوێره‌ی زانیارییه‌كانی NNA، دوای ئه‌وه‌ی (22) سه‌ربازی كورد له‌نزیك ناحیه‌ی سلێمان به‌گ گه‌مارۆدران، به‌پێی ڕێكه‌وتنێك خۆیان ڕاده‌ستی گروپه چه‌كداره‌كان كردووه، دوای ئه‌وه‌ش سه‌ربازه‌كان خۆیان ناساندووه كه كوردن چه‌ك‌و ته‌قه‌مه‌نییه‌كانیان لێوه‌رگیراوه، ڕه‌وانه‌ی چوار ڕیانی كفری له‌سه‌ر ڕێگه‌ی گشتی به‌غدا كراون، كه ئێستا زۆربه‌ی هێزه‌كانی لیوای (16) له‌و شوێنه‌دا كۆبوونه‌ته‌وه.
سه‌رله‌به‌یانی ئه‌مڕۆ واده‌ی وه‌رگرتنی سكاڵا له‌سه‌ر هه‌ڵبژاردنی ئه‌نجومه‌نی پارێزگاكانی عێراق كۆتاییپێهات.
له‌سه‌ره‌تای ده‌ستپێكردنی هه‌ڵبژاردنی ئه‌نجومه‌نی پارێزگاكان له (12) پارێزگای عێراق، كۆمسیۆنی باڵای هه‌ڵبژاردنه‌كان ڕایگه‌یاند، هه‌ر كه‌س‌و لایه‌نێك سه‌رپێچی ببینێت، یان هه‌ر گله‌ییه‌كیان له‌پرۆسه‌كه هه‌بێت، ده‌توانن له‌ماوه‌ی دوو ڕۆژدا سكاڵا پێشكه‌ش به‌كۆمسیۆنی باڵا بكه‌ن.
به‌گوێره‌ی ڕاپۆرتێكی ناوه‌ندی جیۆلۆجی ئه‌مریكا، بومه‌له‌رزه‌یه‌كی به‌هێزه له‌م مانگه‌دا وڵاتانی كه‌نداو‌و عێراق‌و به‌شێك له‌وڵاتانی خۆرهه‌ڵاتی ئاسیا ده‌گرێته‌وه.
جێگری سه‌رۆك وه‌زیرانی عێراق ئاشكرایكرد، به‌مزووانه زیاتر له(1100) زیندانی له‌زیندانه‌كانی عێراقدا به‌لێبوردنێكی تایبه‌ت ئازاد ده‌كرێن.
سه‌رۆكی لیستی هاوپیه‌مانی كوردستان ڕایده‌گه‌یه‌نێت كه له سه‌ردانی وه‌فدی كوردی بۆلای نوری مالكی هه‌موو ستێكیان به ڕوونی پێوتوه.
د. فواد مه‌عسوم به‌لڤین پرێسی ڕایگه‌یاند كه له سه‌ردانی وه‌فدی كوردیدا بۆ لای نوری مالكی زۆر به‌ڕونی قسه‌كانی خۆیان كردوه‌و هه‌رچی پێویست بێت به نوری مالكیان وتوه.
