به‌بۆنه‌ی ساڵیادی شۆڕشی گوڵان (مه‌سعود بارزانی) سه‌رۆكی هه‌رێمی كوردستان وتارێكی پێشكه‌شكردو تیادا هێمای به‌مه‌سه‌له‌گه‌لێكی وه‌ك سازانی نیشتمانی‌و پرسی گه‌ڕانه‌وه‌ی ده‌ستوری هه‌رێمی كوردستان بۆ په‌رله‌مان باسكرد، ئاماژه‌ی به‌وه‌دا نامه‌یه‌كی ئاڕاسته‌ی سه‌رجه‌م هێزو لایه‌نه سیاسیه‌كانی هه‌رێمی كوردستان كردووه‌و ماوه‌ی یه‌ك هه‌فته مۆڵه‌تیشی پێداون،تاكو دواین وه‌ڵامی خۆیان له‌سه‌ر مه‌سه‌له‌ی ده‌ستور بده‌نه‌وه به‌سه‌رۆكایه‌تی هه‌رێمی كوردستان.
له‌چوارچێوه‌ی پرۆسه‌ی ئاشتی نێوان كوردو توركیا‌و كشانه‌وه‌ی
گه‌ریلاكانی پارتی كرێكارانی كوردستان، ئه‌مڕۆ گروپێكی تر خاكی
توركیایان به‌جێهێشت.
بڕیارده‌ری لیژنه‌ی نه‌وت‌و غازی ئه‌نجومه‌نی نوێنه‌رانی عێراق جه‌ختی له‌وه‌كرده‌وه، حكومه‌تی عێراق ناتوانێت له‌ڕووی یاساییه‌وه، ڕێگریی له‌پێشكه‌وتنی بواری نه‌وت‌و هه‌نارده‌ی نه‌وتی هه‌رێم بكات.
به‌گوێره‌ی یاسای ژماره (16)ی تایبه‌ت به‌په‌سه‌ندكردنی پرۆژه‌ی ده‌ستووری هه‌رێمی كوردستان، پێویسته سه‌رۆكایه‌تی په‌رله‌مان‌و حكومه‌ت، ڕۆژێك بۆ ئه‌نجامدانی ڕیفراندۆم له‌سه‌ر ده‌ستووری هه‌رێمی كوردستان دیاریی بكه‌ن، شاره‌زایه‌كی سیاسه‌تی نێوده‌وڵه‌تی جه‌خت له‌وه‌ده‌كاته‌وه، ڕۆژی ئه‌نجامدانی ڕیفراندۆم له‌سه‌ر ده‌ستووری هه‌رێمی كوردستان، پێویسته له‌لایه‌ن سه‌رۆكایه‌تی په‌رله‌مانی كوردستان‌و ئه‌نجومه‌نی وه‌زیرانی هه‌رێم به‌هه‌ماهه‌نگی له‌گه‌ڵ كۆمسیۆنی باڵای سه‌ربه‌خۆی هه‌ڵبژاردنه‌كان دیاریی بكرێت.
له‌كاتی ئه‌نجامدانی كاری رۆژنامه‌وانی‌و روماڵكردنی هه‌واڵی شه‌ڕه‌كان له‌نزیك سنووره‌كانی لوبنان، كچه په‌یامنێرێكی كه‌ناڵی ئیخبارییه كوژرا.
رێكخەری ژووری پەیوەندییە دیبلۆماسییەكانی بزوتنەوەی گۆڕان، لەبارەی
وتارەكەی مەسعود بارزانی سەرۆكی هەرێمی كوردستان سەبارەت بەئەنجامدانی
ریفراندۆم لەسەر پرۆژەی دەستووری هەرێمی كوردستان رایگەیاند، ئەوەی بارزانی
دەیكات تەنها كات كوشتنە‌و پێویستە دەستوور بگەڕێتەوە بۆ پەرلەمانی
كوردستان.
لقی سلێمانی سه‌ندیكای ڕۆژنامه‌نوسانی كوردستان سكرتێری لقی سلێمانی سه‌ندیكای ڕۆژنامه‌نوسانی كوردستان ڕایگه‌یاند، به‌مه‌به‌ستی ئاشناكردن‌و چۆنیه‌تی هه‌ڵسوكه‌وتكردنیان له‌كاتی ڕووبه‌ڕووبونه‌وه‌یان له‌گه‌ڵ ڕۆژنامه‌نوساندا، له‌چه‌ند ڕۆژی داهاتوودا ژماره‌یه‌ك خولی ڕۆژنامه‌وانی بۆ پۆلیس ده‌كرێته‌وه له‌سنوری شاری سلێمانی.
ڕۆژ به‌ڕۆژ نرخی نه‌وت له‌بازاڕه‌كانی جیهاندا داده‌به‌زێت‌و ئه‌مڕۆش كه‌مترین نرخی له‌مساڵدا تۆماركرد‌و گه‌یشته (99) دۆلار‌و سێ سه‌نت.
بڵاوكردنه‌وه‌ی هه‌واڵی ناڕاست‌و ناوزڕاندنی كه‌س‌و لایه‌نه‌كان له‌میدیای ئه‌لكترۆنیدا، ناڕه‌زایی زۆری لای هاوڵاتیانی كوردستان‌و به‌رپرسانی هه‌رێم دروستكردووه، تائێستاش هیچ یاسایه‌ك نییه، بۆ ئه‌وه‌ی كاری میدیای ئه‌لكترۆنی له‌هه‌رێم ڕێكبخرێت.
سه‌باره‌ت به‌ده‌ست گیركردنی چه‌ند كه‌سێك به‌تۆمه‌تی هه‌ڵواسینی پۆسته‌ر دژی (نه‌وشیروان مسته‌فا) ڕێكخه‌ری گشتی بزوتنه‌وه‌ی گۆڕان له‌شاری سلێمانی‌و دواتر ئازادكردنیان، بریكاری وه‌زاره‌تی ناوخۆی حكومه‌تی هه‌رێم ئاماژه به‌وه‌ده‌كات، ئه‌و هه‌واڵه هیچ بنه‌مایه‌كی ڕاستی نییه‌‌و سكاڵا له‌سه‌ر ئه‌و سایته تۆمار ده‌كات كه هه‌واڵه‌كه‌ی بڵاوكردۆته‌وه.
وه‌زیری هه‌رێم بۆ كاروباری په‌رله‌مانی كوردستان ئاشكرایكرد، دوێنێ
به‌فه‌رمی (نێچیرڤان بارزانی) سه‌رۆكی ئه‌نجومه‌نی وه‌زیرانی هه‌رێم
به‌سه‌رۆكایه‌تی په‌رله‌مانی كوردستانی ڕاگه‌یاندووه، ڕۆژی (21)ی
ئه‌یلولی ئه‌مساڵ به‌رامبه‌ر به (30)ی گه‌لاوێژی (2713)ی كوردی،
هه‌ڵبژاردنی ئه‌نجومه‌نی پارێزگاكانی هه‌رێم ئه‌نجامده‌درێت.
(سه‌عد
خالد) تایبه‌ت به NNA ڕاگه‌یاند، دوێنێ سه‌رۆك وه‌زیرانی هه‌رێم
به‌سه‌رۆكایه‌تی په‌رله‌مانی ڕاگه‌یاندووه، حكومه‌تی هه‌رێم ڕۆژی (21)ی
ئه‌یلولی ئه‌مساڵ به‌رامبه‌ر به (30)ی گه‌لاوێژی (2713)ی كوردی
دیاریكردووه، بۆ ئه‌وه‌ی هه‌ڵبژاردنی ئه‌نجومه‌نی پارێزگاكانی هه‌رێمی
تێدا ئه‌نجامبدرێت.
جێگری سه‌رۆكی شاره‌وانییه‌كانی جیهان بۆ ئاشتی ئاشكرایكرد، (5600) سه‌رۆك
شاره‌وانی له (192) وڵاته‌وه، داوای به‌جینۆسایدناساندنی تاوانی
كیمیابارانكردنی هه‌ڵه‌بجه ده‌كه‌ن.
(خدر كه‌ریم) تایبه‌ت به NNA
ڕاگه‌یاند، له‌یادی (25) ساڵه‌ی كیمیابارانكردنی هه‌ڵه‌بجه‌دا، (5600)
سه‌رۆك شاره‌وانی جیهان نامه‌یه‌كیان ناردووه‌‌و داوای به‌جینۆسایدناساندنی
كیمیابارانكردنی هه‌ڵه‌بجه ده‌كه‌ن، وتیشی:"ئه‌و سه‌رۆك شاره‌وانیانه
له (192) وڵاته‌وه داواكه‌یان پێشكه‌شكردووه‌‌و ئه‌وه‌ش ده‌ستكه‌وتێكی
گه‌وره‌یه بۆ پشتگیریی كه‌یسی به‌جینۆسایدناساندنی كیمیابارانكردنی
هه‌ڵه‌بجه".
حاكم (ڕزگار محه‌مه‌د ئه‌مین) دادوه‌ری كه‌یسی دوجه‌یل ڕایگه‌یاند،
ئه‌گه‌ر پرۆسه‌ی دادگاییكردنه‌كه‌ی (سه‌دام حسێن)ی سه‌رۆكی پێشووتری
عێراق نێوده‌وڵه‌تی بوایه، سزای له‌سێداره‌دانی به‌سه‌ردا
نه‌ده‌سه‌پێندرا.
له‌دیدارێكیدا له‌گه‌ڵ كه‌ناڵی عه‌ره‌بیه،
(ڕزگار محه‌مه‌د ئه‌مین) دادوه‌ری كه‌یسی دوجه‌یل باسی له‌وه كردووه،
ئه‌گه‌ر دادگاییكردنه‌كه نێوده‌وڵه‌تی بوایه، سه‌دام حسێن سزای
له‌سێداره‌دانی وه‌رنه‌ده‌گرت‌و ده‌كرا به (30) ساڵ یان زیندانی
هه‌تاهه‌تایی سزا بدرایه.
پاشنیوه‌ڕۆی ئه‌مڕۆ چوارشه‌ممه به ئاماده‌بوونی د. ئه‌رسه‌لان بایز سه‌رۆكی په‌رله‌مان و نێچیرڤان بارزانی سه‌رۆك وه‌زیرانی هه‌رێمی كوردستان، هه‌ردوو سه‌رۆكایه‌تیی په‌رله‌مانی كوردستان و حكوومه‌تی هه‌رێمی كوردستان له‌ئه‌نجومه‌نی وه‌زیران كۆبوونه‌وه.
ئەمڕۆ چوارشەممە 22ـی 5ـی 2013 لە سەلاحەددین مەسعود بارزانی سەرۆكی هەرێمی كوردستان پێشوازی لە ئوسامە نوجەیفی سەرۆكی پارلەمانی عێراقی فیدڕاڵ و شاندێكی یاوەری كرد كە پێكهاتبوون لە پارێزگارانی نەینەوا و دیالە و سەرۆكی ئەنجوومەنی پارێزگای سەلاحەدیین و چەند سەركردەیەك لە لیستی ئەلعەراقییە.
كوردستان ئه‌مڕۆ چوارشه‌ممه دوای پێشوازیكردن له (د. ئه‌حمه‌د ئه‌نوه‌ر) سه‌رۆكی ده‌سته‌ی نه‌زاهه‌ی هه‌رێم ڕایگه‌یاند، پێویسته به‌زووترین كات سه‌رۆكێك بۆ دیوانی چاودێریی داراییش دابنرێت.
