قه‌ره‌یڵان داوای ڕاگرتنی چالاكییه‌كان ده‌كات
سه‌رچاوه‌كانی هه‌واڵی توركیا‌و جیهان بڵاویانكرده‌وه، (موراد
قه‌ره‌یڵان) سه‌رۆكی كۆنسه‌ی به‌ڕێوه‌به‌ری كۆما جڤاكێن كوردستان،
داوای له‌گه‌ریلاكانی پارتی كرێكارانی كوردستان كردووه،
چالاكییه‌كانیان به‌رامبه‌ر به‌سوپای توركیا ڕابگرن. به‌گوێره‌ی ئاژانسی هه‌واڵی (ڕۆیته‌رز)، داواكارییه‌كه‌ی قه‌ره‌یڵان وه‌ڵامی ئه‌رێنی په‌یامه‌كه‌ی (عه‌بدوڵڵا ئۆجه‌لان)ی سه‌رۆكی پارتی كرێكارانی كوردستانه، كه دوێنێ له‌نه‌ورۆزی شاری ئامه‌دی باكوری كوردستاندا، له‌باره‌ی ئاشته‌وایی نێوان كورد‌و توركه‌وه پێشكه‌شیكرد.
زیپکە هۆی بێزاری ژیانی زۆربەی گەنجەکانە، بەڵام چیتر ڕۆژانی دروستبوونی
ئەو پەڵانە دیاریکراو دەبێت پاش ئەوەی زانایان لە نوێترین توێژینەوەدا
بۆیان دەرکەوت هەندێک کەس زیاتر لەبارن بۆ زیپکە وەک لەکەسانی دیکە.
هه‌ریه‌كه له عه‌بدوڵا گویل سه‌رۆك كۆمارو ره‌جه‌ب ته‌یب ئه‌ردۆغان
سه‌رۆك وه‌زیرانی توركیا ره‌خنه ده‌گرن له هه‌ڵنه‌كردنی ئاڵای توركیا له
ئاهه‌نگه‌كانی شاری دیاربه‌كر‌و به كه‌موكوریه‌كی گه‌وره‌یان له
قه‌ڵه‌مدا كه هه‌موان له‌سایه‌ی ئه‌و ئاڵایه‌دا جه‌نگاون.
به‌مه‌به‌ستی گفتوگۆكردن له‌باره‌ی هه‌لومه‌رجی ژنان له‌كوردستاندا، پانێلێك له‌شاری سلێمانی به‌ڕێوه‌ده‌چێت.
ئه‌ندامێكی ئه‌نجومه‌نی
نوێنه‌رانی عێراق له‌فراكسیۆنی هاوپه‌یمانیی كوردستان ئاماژه‌ی به‌وه‌كرد،
له‌سه‌ر بڕیاری سه‌رۆكایه‌تی هه‌رێم هاتوونه‌ته‌وه هه‌رێم‌و له‌سه‌ر
بڕیاری سه‌رۆكایه‌تیش ده‌گه‌ڕێنه‌وه بۆ به‌غدا.
به‌گوێره‌ی چه‌ند سه‌رچاوه‌یه‌كی نافه‌رمی، ئه‌مڕۆ (22-3-2013
به‌رامبه‌ر به 2ی نه‌ورۆزی 2713ی كوردی) په‌رله‌مانی ئه‌ڵمانیای
فیدراڵ بڕیاریداوه، حكومه‌تی به‌رلین به‌شێوه‌یه‌كی ڕاسته‌وخۆ‌و
بێگه‌ڕانه‌وه بۆ به‌غدا، په‌یوه‌ندییه‌كانی له‌گه‌ڵ هه‌رێمی كوردستان
درێژه‌ی ببێت‌و په‌یوه‌ندییه‌كی ڕاسته‌وخۆ بێت. 
به‌هۆی
وه‌ڵامنه‌دانه‌وه‌ی خۆپیشانده‌ران له‌لایه‌ن حكومه‌تی (نوری مالكی) سه‌رۆك
وه‌زیرانی عێراق، جێگره‌كه‌ی (ئه‌سیل نوجێفی) پارێزگاری نه‌ینه‌وا ده‌ستی
له‌پۆسته‌كه‌ی كێشایه‌وه.
بریكاری وه‌زاره‌تی شاره‌وانی
گه‌شتوگوزاری هه‌رێم ئاشكرایكرد، سه‌رجه‌م ئه‌و خانووه بێ تاپۆیانه‌ی
له‌هه‌رێم به‌زیاده‌ڕۆیی دروستكراون، به‌له‌به‌رچاوگرتنی ماسته‌رپلانی
شاره‌كان، به‌رامبه‌ر به (10) هه‌زار دینار بۆ هه‌ر مه‌ترێك دوجا، له‌سه‌ر
خاوه‌نه‌كانیان تاپۆ ده‌كرێن.
به‌دروشمی (له‌فرمێسكه‌وه بۆ
هیوا)، له‌سێوسێنانی سه‌ر به‌قه‌زای قه‌ره‌داغ، مه‌راسیمێك بۆ یادی (25)
ساڵه‌ی كیمیابارانی ئه‌و ناحیه‌یه سازكرا.
به‌ڕێوه‌به‌ری كاروباری ناوخۆ
له‌پارێزگای سلێمانی ئاشكرایكرد، هه‌رچه‌نده به‌گوێره‌ی یاسا پێویسته
مۆڵه‌تی چه‌ك هه‌ڵگرتن بۆ هه‌موو كه‌سێك نوێ بكرێته‌وه، به‌ڵام به‌هۆی
بوونی فشارێكی زۆر، مۆڵه‌تی چه‌ك بۆ هه‌موو كه‌سێك نوێ ناكه‌نه‌وه.
سه‌رۆكی ڕێكخراوی فیدراسیۆنی
ڕێكخراوه‌كانی ژینگه‌پارێزی هه‌رێمی كوردستان ئاشكرایكرد، ئه‌مساڵ
هه‌رێمی كوردستان به‌كوژاندنه‌وه‌ی كاره‌بای ژماره‌یه‌ك شوێنی
مێژوویی، به‌شداری له‌ڕۆژی جیهانیی كاتژمێری زه‌ویدا ده‌كات.
پێشبینیده‌كرێت له‌ماوه‌ی چه‌ند ڕۆژی داهاتوودا، سه‌ركردایه‌تی سیاسی كورد له‌گه‌ڵ وه‌زیره كورده‌كان كۆببێته‌وه، به‌ئامانجی بڕیاردان‌و وه‌رگرتنی هه‌ڵوێستێكی یه‌كگرتوو، له‌به‌رامبه‌ر حكومه‌تی عێراق.
منداڵێكی به‌ریتانی له‌كاتی خواردنی گێزه‌ردا، ڕه‌نگی پرته‌قاڵی هه‌ڵده‌گه‌ڕێت.
به‌هۆی ته‌قینه‌وه‌یه‌كی خۆكوژی له‌مزگه‌وتێكی شاری (دیمه‌شق)ی پایته‌ختی سوریا، (شێخ محه‌مه‌د سه‌عیدی ڕه‌مه‌زان بوتی) كه‌سایه‌تی ئاینی دیاری ئه‌و وڵاته تیرۆر كرا.
له‌دوای ڕاگه‌یاندنی په‌یامه‌كه‌ی (عه‌بدوڵڵا ئۆجه‌لان) سه‌رۆكی پارتی كرێكارانی كوردستان (په‌كه‌كه)، سه‌رۆك وه‌زیرانی توركیا له‌هۆڵه‌ندا په‌یامه‌كه‌ی به‌ئه‌رێنی وه‌سفكرد.