د.مه‌حمود عوسمان، سیاسه‌تمه‌داری‌ كورد رایگه‌یاند، داواكه‌ی‌ عه‌بدوڵا ئۆجه‌لان كه‌ داوای‌ كردووه‌ په‌كه‌كه‌ بكشێنه‌وه‌ ده‌ره‌وه‌ی‌ سنوری‌ توركیا، هه‌نگاوێكی‌ په‌له‌یه‌ و ده‌بوو سه‌ره‌تا ئۆجالان ته‌نها ئاگر به‌ستی‌ راگه‌یانداییه‌.

له‌میانی‌ به‌شداریكردنی‌ له‌گه‌شتی‌ فراوانی‌ هه‌واڵه‌كانی‌ كاتژمێر هه‌شتی‌ شه‌وی‌ رابردووی‌ ئێن ئاڕتیدا، مه‌حمود عوسمان راشگه‌یاند، ئه‌وه‌ هه‌نگاوێكی‌ زیاده‌یه‌ كه‌ ئۆجه‌لان داوای‌ كردووه‌ په‌كه‌كه‌ بچنه‌ ده‌ره‌وه‌ی‌ سنوری‌ توركیا.

وتیشی‌، ده‌بوو ئۆجه‌لان سه‌ره‌تا ته‌نها ئاگر به‌ستی‌ راگه‌یانداییه‌ ئه‌گه‌ر حكومه‌تی‌ توركیا هه‌نگاوی‌ تری‌ نا دواتر ئه‌و داواكارییه‌ی‌ بكرداییه‌.