سۆزان شه‌هاب: ره‌شكردنی جامی په‌رله‌مان بۆ جوانكردنی وێنه‌كه بوو
سۆزان
شه‌هاب سه‌رۆكی فراكسیۆنی كوردستانی له‌په‌رله‌مانی كوردستان
رایگه‌یاند ره‌شكردنی جامه‌كانی په‌رله‌مانی كوردستان له‌كاتی
تاوتوێكردنی پڕۆژه یاسای بودجه بۆ ئه‌وه بووه وێنه‌ی دانیشتنه‌كان
جوانتر ده‌ربكه‌ون.سۆزان شه‌هاب
له‌وتارێكدا له‌رۆژنامه‌ی "كوردستانی نوێ" ی ئۆرگانی یه‌كێتی،
له‌باره‌ی هۆكاری ره‌شكردنی جامه‌كانی په‌رله‌مانه‌وه نوسیویه‌تی
"له‌به‌رئه‌وه‌ی هۆڵه‌كه له خواره‌وه زۆر رووناك بوو بۆ وێنه‌گرتنی
ته‌له‌فزیۆنیی و له‌دواییدا په‌خشكردنه‌وه‌ی ستافی راگه‌یاندن دیاره
به‌باشیان زانیوه كه ئه‌و هه‌موو ده‌رگا شوشه‌یه دابپۆشن به ره‌ش، به
كوردییه‌كه‌ی جامه‌كانی ده‌رگای دووه‌میان ره‌شكرد بۆئه‌وه‌ی وێنه‌ی
دانیشتنه‌كان جوانترو رونتربن".
هه‌روه‌ها نوسیویه‌تی "من نه
وێنه‌گرم و نه له فه‌نی فۆتۆگراف ئه‌زانم و جارجاره‌ش كامێرا بۆ
وێنه‌گرتن به‌كار ده‌هێنم و ده‌شزانم ئه‌گه‌ر كامێراكه روو له‌خۆر بێت
وێنه‌كه‌م جوان ده‌رناچێت و جێگۆڕكێ ده‌كه‌م به‌و كه‌سانه‌ی وێنه‌یان
ده‌گرم بۆئه‌وه‌ی وێنه‌كه‌م جوان بێت".
جێی ئاماژه‌یه له‌میانه‌ی
گفتوگۆكانی دانیشتنی په‌رله‌مان له‌سه‌ر پڕۆژه یاسای بودجه
سه‌رۆكایه‌تی په‌رله‌مان جامی هۆڵه‌كانی په‌رله‌مانی ره‌شكردو ئه‌وه‌ش
ناڕه‌زایی رۆژنامه‌نوسانی لێكه‌وته‌وه‌و به‌هه‌وڵێك بۆ رێگری له
رۆژنامه‌نوسان ناوبرا.
NRT
