بەرێوەبەری گشتی كەشناسی هەرێم ئاشكرای دەكات لە رۆژانی داهاتوودا پەڵە هەور لەسەر ئاسمانی هەرێم دەبینرێت و ئەگەری باران بارینیش رەتدەكاتەوە.

فازڵ ئیبراهیم بەڕێوەبەری گشتی كەشناسی هەرێم بە(نها24)ی راگەیاند: پێشبینیەكانی كەشناسی بۆ رۆژانی جەژنی نەورۆز بەم شێوەیەیە: رۆژی چوارشەممە پلەی گەرما بەرز دەبێتەوە و پەڵە هەور بە ئاسماندا دەبینریت و باران نابارێت، بۆ رۆژی پێنج شەممە بەهەمان شێوە، باران نابارێت و پلەی گەرما بەرزدەبێتەوە و لە ئاسمانی هەرێم پەڵە هەور بە شێوازی جیاجیا دەبینرێت، بۆ رۆژی هەینی بەهۆی ئەو نزمە پاڵەپەستۆوە كە رووی كردۆتە ناوچەكەمان، پلەكانی گەرما بەرو نزم بوونەوە دەڕوات و ئاسمان دەبێت بەهەور.

بەرێوەبەری گشتی كەشناسی هەرێم ئاشاكراشی كرد، لە رۆژی شەممەدا ، پلەی گەرما بەرەو نزم بونەوە دەڕوات و پێشبینیدەكەین لە ئێوارەكەیدا باران ببارێت