وتەبێژی
حكومەتی هەرێمی كوردستان، سەفین دزەیی، ئه‌مڕۆ، دووشه‌ممه، رایگەیاند،
بەبۆنەی هاتنی جەژنی نەورۆزەوە، رۆژانی 20 تا 24 ئەم مانگە پشووی رەسمی
دەبێت لە سەرجەم فەرمانگەكانی حكومەتی هەرێمدا جگه له خوێندنگاكان.
بڕیارە سبەینێ چوارشەممە لە كۆنگرەیەكی رۆژنامەوانیدا،
ئاسۆس نەجیب وەزیری كار و كاروباری كۆمەڵایەتی، تەواوی وردەكارییەكانی
پرۆژەی بیمەی بێكاری رابگەیەنێت.
فازڵ میرانی، سكرتێری مەكتەبی سیاسی پارتی ده‌لێت:" ئەگەر یەكێتی راشیگەیاندبێ بەتەنیا بەشداری لە هەڵبژاردن دەكات ئه‌وا بڕیاری كۆتایی نییە و بڕیار وانەبوو بەوشێوەیە پەلەی لێ بكەین و لە یەك لاوە ئەو بابەتە دیاری بكەین هەر حیزبێك سیاسەتی خۆی هەیە و لەوانەیە سیاسەت و زروفی یەكێتی وابخوازێ كە زووتر ئەوە رابگەیێنن".له چاوپێکه‌وتنێکیدا له گه‌ڵ تۆری میدیای رووداو فازڵ میرانی سکرتێری پاری ئاماژه به‌وه ده‌کات له هه‌ر بارێکدا یه‌کێتی و پارتی ئه‌گه‌ر به جیاش به‌شداری هه‌ڵبژاردن بکه‌ن دواتر ده‌بنه‌وه یه‌ک و ده‌بێت پابه‌ندی رێککه‌وتنی ستراتیژیان بن.
ئەمرۆ
یەكشەممەوە هەزاران كەس لەشارەكانی توركیا ئاگری نەورۆزیان
كردەوەو بەجلی كوردییەوە ئاهەنگ‌و خۆشییان گێرا، لەكاتێكدا هێزە
ئەمنەییەكان لەزۆر شوێن رێگرییاكان دەكرد.
به‌پی زانیارییه‌كانی ئاژانسی هه‌واڵی كورد ئویل، سه‌ره‌تای مانگی 12
له‌شاری هه‌ولیر، سیه‌مین كۆنفرانسی نه‌وت و گاز له‌هه‌ولیر به‌ڕیوه‌ده‌چێ،
نوینه‌ری چه‌ندین ده‌زگا و ئاژانسی گه‌وره‌ی جیهانی له‌بواری نه‌وت و غاز
له‌سه‌ره‌تاسه‌ری جیهان تیادیا به‌شدار ده‌بن.
به‌هۆی هاتنی شه‌پۆلێكی باران و خۆڵبارینه‌وه كه شاری سلێمانی
گرتووه‌ته‌وه، مه‌ودای بینین كه‌م بووه‌ته‌وه بۆ 6 تا 7 كیلۆمه‌تر و تا
سبه‌ینێ به‌رده‌وام ده‌بێت.
سه‌رچاوه‌یه‌ك له به‌ڕێوه‌به‌رایه‌تی گشتی كه‌شناسی و بوومه‌له‌رزه‌ی
هه‌رێم به (خه‌ندان)ی راگه‌یاند: به‌هۆی هاتنی شه‌پۆلێكی خۆڵبارینه‌وه
له باكوری ئه‌فریقاوه هاتووه، شاری سلێمانی ده‌وروبه‌ری دووچاری
خۆڵبارین بووه‌ته‌وه و مه‌دوای بینین له نێوان 6 بۆ 7 كیلۆمه‌تردایه.
باڵیۆزخانه‌ی ویلایه‌ته یه‌كگرتووه‌كانی ئه‌مه‌ریكا له عێراق، له به‌یاننامه‌یه‌كدا، وێڕای ده‌ربڕینی هاوخه‌می بۆ گه‌لی كوردستان، به‌بۆنه‌ی ساڵیادی كاره‌ساتی كیمیابارانی هه‌ڵه‌بجه، رایگه‌یاند هه‌وڵ ده‌دات بۆ دووباره نه‌بوونه‌وه‌ی ئه‌م تاوانانه.
ده‌قی به‌یاننامه‌كه:
یادی 25 ساڵه‌ی كۆمه‌ڵكوژیه‌كه‌ی هه‌ڵه‌بجه
ئه‌مڕۆ یادی 25 ساڵه‌ی ئه‌و هێرشی كیمیابارانه ترسناكه ئه‌كه‌ینه وه كه كرایه سه‌ر هه‌ڵه‌بجه، له‌لایه‌ن رژێمی سه‌دام حسینه‌وه له ئاداری 1988دا. له‌و هێرشه‌دا زیاتر له 5 هه‌زار خه‌ڵكی سڤیلی بێتاوان له ته‌نها 20 چركه‌دا له‌ناو بران
بەهۆی تەقینەوەی ئۆتۆمبێلێكی بۆمبڕێژكرا لەشاری كەركوك (17) برینداری لێكەوتەوە.
سەرچاوەكانی هەواڵ بڵاویانكردەوە، تەقینەوەكە ئێوارەی ئەمڕۆ لەنزیك گۆڕەپانێكی ئاهەنگەكان لەگەڕەكی (واستی)ى شاری كەركوك ڕویدا‌و بەهۆیەوە (17) كەس برینداربوون كە زۆربەیان ئافرەتن.
ئەوەش زانراوە، تەقینەوەكە دەورییەیەكی هێزی ئامادەی كەركوكی كردبووە ئامانج.
ئه‌حمه‌د داودئۆغڵۆ وه‌زیری ده‌ره‌وه‌ی تورکیا له سه‌ردانه‌که‌یدا بۆ
شاری ئامه‌د له‌باكوری كوردستان ڕایگه‌یاند: ئامه‌د شاری عه‌شقە و
نه‌ورۆزی ئه‌مساڵ جه‌ژنی ئاشتی ده‌بێت و نه‌ورۆزێكی گرنگ ده‌بێت.
به‌رپرسی ژووری په‌یوه‌ندییه
دیبلۆماسیه‌كانی بزوتنه‌وه‌ی گۆڕان ئاشكرایكرد، ئه‌گه‌ر یادكردنه‌وه‌ی
سبه‌ینێی كاره‌ساتی كیمیابارانكردنی هه‌ڵه‌بجه، وه‌كو ساڵانی ڕابردوو
بێت، ئۆپۆزسیۆن به‌شداری یاده‌كه ناكات.
(محه‌مه‌د تۆفیق ڕه‌حیم)
به‌رپرسی ژووری په‌یوه‌ندییه دیبلۆماسیه‌كانی بزوتنه‌وه‌ی گۆڕان به NNA
ڕاگه‌یاند، پێویسته یادكردنه‌وه‌ی سبه‌ینێی كیمیابارانكردنی هه‌ڵه‌بجه
به‌حزبی نه‌كرێت‌و وه‌كو میلله‌ت ته‌ماشابكرێت، بۆیه ئه‌گه‌ر وه‌كو ساڵانی
ڕابردوو ئه‌و یاده بكرێته‌وه، لایه‌نی ئۆپۆزسیۆن هه‌رێمی كوردستان
بایكۆتی ده‌كه‌ن‌و به‌شداری تێدا ناكه‌ن.
لە ڕۆژەكانی دوای 14_3_1988 ئەو كاتەی هەڵەبجە لەلایەن پێشمەرگە و سوپای
پاسداران ئازادكرا ، ڕژێمی سەدام حوسێن تۆڵەیەكی جەرگبڕی دەوێ ، باشترین
ڕێگە بۆ ئەوان بەردانەوەی بۆمبی پڕكراوە لە كیمیایی بەسەر شارەكەدا ، عەلی
حەسەن مەجید ئامۆزای سەدام و هەمەكارەی ڕژێمەكەی لە كوردستان حەوت فڕۆكەوان
دەست نیشان دەكات بۆ ئەوەی كارەكە ئەنجام بدەن ، ئایدن یەكێكە لەوان .
عەلی كیمیایی ئایدن ڕادەسپێرێ سەركردایەتی ئەو فڕۆكەوانانە بكات كە دەبێ
هەڵەبجە بۆردمان بكات ، ئایدن هەر زوو ڕەتیدەكاتەوە ، ڕەتكردنەوەیەك
دواجار ژیانی خۆی لەسەر دانا .
بەپێی توژینەوەیەی ئەمریكی لەدوای روخانی سەدام حسێن
تا كۆتایی ساڵی 2012 زیاتر لە 190 هەزار كەس لە عیراق كوژراون، جەنگەكەش
بڕی 2.2 تریلیۆن دۆلاری تێچوە.
ئامادەكاریەكان بۆ یادی 25 ساڵەی هەڵەبجە 16 ئادار دەستیپێكردوە و 350 میوانی بیانیش بانگێشت كراون.
سه‌رۆكی هه‌رێمی كوردستان، له(بیست‌و پێنجه‌مین) ساڵیادی
كیمیابارانكردنی هه‌ڵه‌بجه‌ی شه‌هیددا، هاوسۆزیی خۆی بۆ كه‌سوكاری
قوربانییانی ئه‌و كاره‌ساته دڵته‌زێنه ڕاگه‌یاند.
به‌ناوی خوای گه‌وره و میهره‌بان
لە بیست و پێنجەمین ساڵیادی
کیمیابارانکردنی هەڵەبجەی شەهیددا هاوسۆزیی خۆم بۆ کەسوکاری قوربانییانی
ئەو کارەساتە دڵتەزێنە ڕادەگەیەنم.
هاوسه‌رۆكی پارتی ئاشتی و دیموكراتی "به‌ده‌په" ئاشكرای كرد كه چاوه‌ڕێده‌كرێت له نه‌ورۆزدا لێدوانه‌كانی سه‌رۆكی زیندانیكراوی په‌كه‌كه لێدوانی گرنگتر له ئاگربه‌ست له‌خۆ بگرن.ئه‌مڕۆ گوڵتان كشناك هاوسه‌رۆكی پارتی ئاشتی و دیموكراتی "به‌ده‌په" له كۆنگره‌یه‌كی ڕۆژنامه‌وانیدا ئاماژه‌ی به واده‌ی ڕاگه‌یاندنی ئاگربه‌ست له‌لایه‌ن پارتی كرێكارانی كوردستان "په‌كه‌كه"ه‌وه كرد و ڕایگه‌یاند "چاوه‌ڕێ ده‌كرێت عه‌بدوڵا ئۆجه‌لان سه‌رۆكی زیندانیكراوی په‌كه‌كه بۆ نه‌ورۆز لێدوانێك له‌و باره‌یه‌وه بڵاو بكاته‌وه".
موحسین سەعدون سەركردە لەفراكسیۆنی هاوپەیمانی كوردستانی لە پەرلەمانی عێراقی گوتی :حكومەتی هەرێمی كوردستان سەربەخۆیی خۆی لە حكومەتی ناوەندی لە بواری نەوتدا رادەگەیەنێت .
